Det kvite hus: Skytinga i Minnesota blir etterforska

– Ingen, inkludert president Donald Trump, ønsker å sjå folk bli skadd eller drepne i amerikanske gater, seier pressetalsperson for Det Kvite huset, Karoline Leavitt.

Ho opplyser at skytinga der Alex Pretti blei drepen laurdag, no blir etterforska av både sikkerheitsdepartementet (DHS) og FBI.

– Administrasjonen går gjennom alt som har med skytinga å gjere, og vi vil la etterforskinga gå sin gang, seier Leavitt.

Ho skuldar drapa på både Renee Good og Alex Pretti på lokale og delstatslege styresmakter.

Leavitt seier vidare at Kristi Noem, «framleis har presidentens fulle tillit» og skal styre sikkerheitsdepartementet (DHS) vidare.

Samstundes skuldar ho «fiendtlege demokratar» for det som skjer i delstaten Minnesota.