Bekrefta: Oscar Bobb er klar for Fulham

Fulham og Manchester City er einige om ein overgang for norske Oscar Bobb (22), det stadfestar London-klubben.

Bobb har vore gjennom den medisinske sjekken, og kontrakten skal vere signert.

– Det kjennest veldig bra å vere her. Eg hadde ein kjempefin dag med å møte alle, og eg er veldig spent, seier Bobb.

Sky Sports og ESPN meldte onsdag at det var einigheit om ein overgang. Ifølge rapportar betalar Fulham 27 millionar pund for nordmannen, snautt 360 millionar norske kroner.

Vingen kom til Manchester City allereie som 16-åring i 2019. Sidan har han spelt 47 kampar for klubben. Han har også vore med på å vinne Premier League i 2023–24-sesongen.

Bobb har slite med å få speletid under City-manager Pep Guardiola den siste tida. I tillegg har skader skapt problem både i førre og inneverande sesong.

I Fulham blir han lagkamerat med landslagskollega Sander Berge.