Krisedag for Jesper Saltvik Pedersen - pallen glapp

Jesper Saltvik Pedersen måtte gi alt inn i slalåmdelen under dagens superkombinasjon i alpint i Cortina. Det heldt å gå gale.

Etter den første omgangen låg nordmannen 2,23 sekund bak og måtte verkeleg løfte seg skulle han klare pallen.

– Det er sånne feil du ikkje har råd til å gjere, sa NRK-kommentator Hans Solbakken om Pedersen.

Han stoppa nesten opp og klarte ikkje å klatre opp frå fjerdeplassen han hadde etter super-G omgangen tidlegare i dag.

Igjen måtte Jesper Saltvik Pedersen gi tapt for nederlandske Jeroen Kampschreur, som vann løpet.

Nordmannen har lenge kjempe i toppen med dagens sigerherre.

– Den fighten som vi har hatt i alle år, har alltid vore noko av det kulaste med det vi held på med. Det er fullt fortent at han tar den i dag, sa Saltvik Pedersen etter gårsdagens smell.

Magnus Valø Balchen tapte mykje tid og låg på 13. plass før den siste omgangen. Men det var i slalåmomgangen han skulle vi kva han var god for.

– Det er mogleg å klatre ganske mange plassar no, sjølv om eg er lang langt bak. Eg skal danse nedover bakken, sa Balchen før slalåmen.

Men han vart for ivrig å køyrde ut i finaleomgangen.

– Eg gjekk berre rett inn i ein dobbel. Det var litt meir sving etter flata enn eg trudde. Sånn er det, sa Balchen etter løpet.