Forvirring om oljetankar i Hormuzsundet

Den amerikanske marinen skal ha eskortert ein oljetankar gjennom Hormuzsundet, ifølgje USAs energiminister Chris Wright, skriv AFP.

Formålet var «for å sikre at olja held fram med å flyte til dei globale marknadane», sa Wright, skriv Reuters.

USAs president Donald Trump varsla måndag om at marinen ville eskortere skip i Hormuzsundet når tida var inne.

Kort tid etter at Wright kom med utsegna, skal Wright ha fjerna dei.

Oljeprisane sokk med 13 prosent etter at USAs president Donald Trump varsla om at krigen i Iran er «veldig fullført, stort sett», skriv Reuters og BBC. Etter at Wright avpubliserte utsegnene sine, gjekk oljeprisen opp igjen.

Iran hevdar å ha stengt sundet, og har truga med å sette fyr på alle skip som forsøker å passere.