Utanriksminister Eide: – Midtausten står i brann

Utanriksminister Espen Barth Eide (Ap) uttrykker sterk uro over sivile lidingar i Midtausten etter krigen mellom Israel, USA og Iran.

– Midtausten står i brann. To veker etter at Israel og USA gjekk til angrep på Iran, blir situasjonen stadig meir dramatisk. Minst 16 land er direkte ramma av krigen. Konsekvensane er allereie globale, skriv han i ei fråsegn.

– Dette er uakseptabelt. Sivile skal vernast, også i krig.

Han viser til fleire døme på sivile angrep, mellom anna angrepet på ein jenteskule i Iran der rundt 170, for det meste barn, blei drepne, fleire angrep på sjukehus i Iran og at rundt 800.000 menneske er drivne på flukt i Libanon.

– Det er grunn til stor bekymring når kritisk sivil infrastruktur som skolar, sjukehus, heimar og vass- og straumforsyning blir ramma av krigshandlingar.

Han oppmodar partane om å deeskalere og søke diplomatiske løysingar på konflikten.