Støre åtvarar mot mistanke etter Epstein-saka

Statsminister Jonas Gahr Støre (Ap) åtvarar mot å mistenkeleggjere heile utanrikstenesta etter Epstein-avsløringane.

– Vi må skilje mellom det enkeltpersonar har gjort og arbeidet til utanrikstenesta.

Støre åtvarar samstundes mot at saka blir brukt i «lettvint politisk retorikk» og trekker ned arbeidet som blir gjort.

Han seier vidare at norske diplomatar gjer eit viktig arbeid med fred og konfliktløysing internasjonalt.

Tysdag vedtar Stortinget mandatet for ei ekstern gransking av utanrikstenesta.

Granskinga skal gå tilbake til 1993 og inngåinga av Oslo-avtalen.

Bakgrunnen er opplysningar om at fleire sentrale personar i norsk utanriksteneste, mellom anna Mona Juul, Terje Rød-Larsen og Thorbjørn Jagland har hatt kontakt med Epstein.

Senterpartiet ber i tillegg om at ei mogleg kopling mellom tidlegare Frp-statsråd Per Sandberg og iranske styresmakter blir undersøkt.