Назарҳо аз Душанбе ба ҳукми гумонбарони ҳамла ба "Крокус"
Додгоҳи ҳарбии Маскав 13 шаҳрванди Тоҷикистонро бо айбномаи ҳамла ба толори “Крокус” ба ҳабси якумрӣ маҳкум кард. Се тоҷикистонии дигар бо ҳамин иттиҳом 19-солӣ аз озодӣ маҳрум шуданд. Мақомоти Тоҷикистон ҳанӯз вокуниш накардаанд. Баъзе аз роҳгузарон дар Душанбе рӯзи 13-уми март гуфтанд, ки "бачаҳо ҳайф шуданд", вале бархеи дигар тахмин заданд, ки "шояд ҷавонҳо фирефта гаштанд".