Tokaýew ABŞ-da gazak goşunlaryny Gaza ibermäge taýýardygyny aýtdy. Akordanyň beýanatynda başga bir sitata getirildi
Gazagystanyň prezidenti Kasym-Žomart Tokaýew ABŞ-da geçirilen Parahatçylyk Geňeşiniň mejlisinde Astananyň Halkara Durnuklaşdyryş Güýçleriniň missiýasynyň çäginde Gaza goşun ibermäge taýýardygyny aýtdy. Akordanyň beýanatynda çaknyşyk zolagyna goşun ibermek barada hiç zat aýdylmady: Tokaýewiň çykyşyndan getirilen sitatada lukmançylyk işgärlerini we synçylary ibermäge isleg bildirilýär. Amerikan tarapy Gazagystanyň beýleki ýurtlar bilen birlikde ABŞ-nyň prezidentiniň başlangyjy bilen döredilen guramanyň býujetine serişde goşandygyny öňe sürýär. Akorda ozal ýurduň Parahatçylyk Geňeşine goşant goşmazdan goşulandygyny habar berdi.