Nariman Celâl Rusiye apsinden Ukrayınağa qaytarıldı. Vatandaşlarnıñ Rusiye esirliginden qaytqan soñ ilk duyğuları ve levhaları (video)

Daa 10 ukrayınalı Rusiye esirliginden qaytarıldı, dep bildirdi Ukrayına akimiyeti. Azat etilgenler arasında – 2021 senesi sentâbr ayından berli «Qırım platforması» sammitinde iştirak etken soñ apiste tutulğan qırımtatar siyasetçisi ve faal Nariman Celâl. Qırımdaki Rusiye mahkemesi Celâlnı «gaz borusındaki diversiya davası» boyunca 17 yıl koloniyada qalmasına üküm etti. Nariman bütün qabaatlavlarnı red ete, onı Kremlniñ siyasiy mabüsi olaraq tanıdılar.