World News in Tatar

Әлмәттән махсус хәрби операциядә катнашучылар өчен чираттагы гуманитар йөк җибәрделәр. Бу юлы сугышчыларга ярдәмгә төзелеш материалы – блиндажлар һәм ышык урыннар төзү өчен кирәкле Түгәрәк Урман җибәрделәр.

Татарстанның Россиядәге Тулы вәкаләтле вәкиллегендә Бразилиянең Гадәттән тыш һәм Тулы вәкаләтле Илчесе Сержио Родригес Дос Сантос булды. Аның белән республика Премьер-министры урынбасары – Татарстанның Россия Федерациясендәге Тулы вәкаләтле вәкиле Равил Әхмәтшин очрашты, дип хәбәр итә Татарстан Республикасының Россия Федерациясендәге Тулы вәкаләтле вәкиллеге матбугат хезмәте.

Казанда 26 марттан 2 апрельгә кадәр «Яшүсмер» муниципаль бюджет учреждениесе карамагындагы Яшь әниләр клубы шәһәрдә яшәүче хатын-кызлар өчен чаралар үткәрә. Программага иҗади остаханәләр, семинар-тренинг кертелгән. Бу хакта Казан мэриясе матбугат хезмәте хәбәр итә.

Казанда мәктәп каникуллары башланыр алдыннан дәүләт автоинспекциясе хезмәткәрләре юлларда контрольне көчәйтә.

1-21 апрельдә үткәреләчәк XXXV Дөньякүләм «Әдәби марафон» проекты башланачак. Бу хакта «Белем.ру» сайты хәбәр итә.

Актанышта махсус хәрби операция кысаларында контракт буенча хезмәткә киткән Рәшит Исламов гаиләсенә ярдәм күрсәттеләр. Хәрби хезмәткәрнең якыннарына ярдәм итү өчен өйгә утын китерелгән.

Архив эше буенча Татарстан Республикасы дәүләт комитеты һәр татарстанлының нәсел шәҗәрәсен булдыру максатында «Ядкяр» проектын гамәлгә ашыра. Бу хакта Арча үзәк китапханәсендә узган очрашуда архив эше буенча Татарстан Республикасы дәүләт комитеты рәисе Гөлнара Габдрахманова сөйләде. Очрашу барышында төп игътибар гаилә тарихын өйрәнүгә, тарихи хәтерне саклауга һәм бу эшкә яшь буынны җәлеп итүгә юнәлтелде.

Бүген Татарстан Республикасы мөселманнары Диния Нәзарәтендә Рамазан аена биналарны һәм җәмәгать урыннарын матур итеп бизәү буенча «Нурлы Рамазан» бәйгесендә җиңүчене һәм финалга чыгучыларны бүләкләү тантанасы булып узды, дип хәбәр итә ТР Диния нәзарәте матбугат хезмәте.

2025 елның 26 мартында MAX мессенджерында 107 миллионнан артык кулланучы теркәлгән. Аудитория арасында – Россия һәм чит ил кулланучылары да, дип хәбәр иттеләр мессенджерның матбугат хезмәтендә.

Якын көннәрдә Татарстан территориясендә бик җылы һәм коры һава торышы сакланачак. Бу ТР Гидрометеорология үзәге тараткан фараздан күренә.

Казанның Мәскәү базары мәйданчыгында йөгерү клубы үз ишекләрен ачарга җыена. Биредә йөгерергә яратучылар 1 майдан 3 майга кадәр узачак Казан марафонына әзерләнәчәк.

Казанда 1 апрельдән 31 майга кадәр шәһәр территориясен санитар чистарту һәм төзекләндерү буенча икеайлык булачак. Гомумшәһәр өмәсенә шәһәр халкы һәм оешмалар хезмәткәрләре 25 апрельдә җыелачак. Тиешле карар Казан Башкарма комитетында имзаланды.

«Коммерсанть» газетасының элеккеге журналисты Владимир Соловьев Россия Эчке эшләр министрлыгының эзләү базасына кертелгән. Карточкада ул «УК маддәсе буенча эзләнә» дип күрсәтелгән, әмма конкрет маддә аталмаган.

Бүген Татарстан Республикасы Премьер-министры Алексей Песошин Россия Федерациясе Президентының Идел буе федераль округындагы Тулы вәкаләтле вәкиле каршындагы Совет утырышында катнашты.

Бүген Татарстан мөселманнары Диния нәзарәтендә Казанның баш мөхтәсибе Рөстәм хәзрәт Вәлиуллин җитәкчелегендә һәм ТР Министрлар Кабинетының Баш ветеринария идарәсе башлыгы урынбасары Габделхак Мотыйгуллин катнашында Корбан бәйрәменә әзерлек буенча киңәшмә уза. Мөселманнарның олы бәйрәме быел 27 майда узачак.

Яр Чаллы шәһәр суды Түбән Каманың элеккеге башлыгы Рамил Муллинның кулга алынуын озайтты. Ул СИЗОда ким дигәндә 3 июньгә кадәр булачак. Бу хакта судның матбугат хезмәте хәбәр итә.

Гадәттән тыш хәлләр министрлыгында татарстанлыларны бүген кич, шулай ук иртәгә иртән һәм көндез булачак томан турында кисәттеләр.

Казанда Роберт Миңнуллин исемендәге Республика балалар китапханәсендә 28 марттан 5 апрельгә кадәр Бөтенроссия балалар китабы атналыгы – балалар арасында укуны популярлаштыру буенча иң зур мәгърифәтчелек акциясе узачак.

Мотоциклда яки мопедта шлемсыз йөргән өчен 1,5 мең сум күләмендә штраф каралган. Автоюрист Лев Воропаев «Татар-информ» агентлыгына шул хакта хәбәр итте.

7 сантиметр калынлыгындагы бозга кергән өчен гражданнарга ике мең сумга кадәр штраф каралган. Россия Гадәттән тыш хәлләр министрлыгы ТР буенча Баш идарәсенең су объектларында кешеләр иминлеге бүлеге башлыгы Регина Гаязова «Татар-информ» агентлыгында узган матбугат конференциясендә шул хакта сөйләде.

Әлки районының Юхмачы авылында картлар һәм инвалидлар интернат-йортын капиталь ремонтлау дәвам итә. Эшләр социаль учреждениеләрне яңарту буенча республика программасы кысаларында алып барыла, дип хәбәр итә ТР Төзелеш, архитектура һәм ТКХ министрлыгы матбугат хезмәте.

Кичә Яңа Чишмәдә татар әдәбияты көне уздырылды. Казаннан Татарстан Язучылар берлеге рәисе Ркаил Зәйдулла җитәкчелегендәге делегация, нефть башкаласыннан Әлмәт бүлеге җитәкчесе Равил Сабыр, язучылар Миңзифа Әхмәтшина һәм Рәфкать Шаһиев килгән иде. Аларны мәдәният йортында район башлыгы Егор Тарнавский каршы алды.

Казан шәһәре Сәламәтлек саклау идарәсенең медицина җәмәгатьчелеге 2025 елгы эшенә йомгак ясады. Медсовет киңәшмәсендә төп доклад белән идарә җитәкчесе Илназ Әхмәдиев хисап тотты.

26 мартта көннең икенче яртысында һәм кичен, шулай ук 27 мартта төнлә һәм көндез Татарстан Республикасы территориясендә урыны белән томан көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Быелгы язда Казанның шәһәр читендәге сигез лагеренда балалар сменасы оештырыла. Аларда, махсус хәрби операциядә катнашучыларның балаларын һәм авыр тормыш хәлендәге гаиләләрдә тәрбияләнүче малай-кызларны да кертеп, 1 меңнән артык мәктәп укучысы катнашачак, дип хәбәр итә шәһәр мэриясенең матбугат үзәге.