Новости за 23.11.2024

Татарстанда махсус сакланыла торган табигать территорияләренең (МСТТ) торышын контрольдә тотуны катгыйландыралар. Татарстан Республикасы Министрлар Кабинетының бу карарына республика Премьер-министры Алексей Песошин имза куйган.

11-18 ноябрь көннәрендә Татарстанда кыяр һәм помидор бик кыйммәтләнде, шулай ук сыер итенең дә бәясе артты. Бу Татарстанстат мәгълүматларыннан билгеле булды.

25 ноябрьдә 11:00 сәгатьтә «Татар-информ» мәгълүмат агентлыгында Татарстанның халык артисты Зәйнәб Фәрхетдинованың Дәүләт Кремль Сараенда узачак юбилей концертына багышланган матбугат конференциясе була.

24 ноябрьдә Россиядә Әниләр көне — гаилә учагын һәм традицион кыйммәтләрне саклаучылар бәйрәме билгеләп үтелә. Бу көнне махсус хәрби операциядә катнашучыларның аналарына, күп балалы гаиләләргә һәм ятим балаларга аерым игътибар бирү мөһим, дип мөрәҗәгать итте ТР Рәисе Рөстәм Миңнеханов дәүләт хакимияте һәм җирле үзидарә органнарына.

Халыкара һәм Бөтенроссия конкурслары лауреаты, Россия һәм Татарстан Композиторлар берлеге әгъзасы, Муса Җәлил һәм Дамир Сираҗиев премияләре лауреаты Эльмир Низамов балалар өчен музыка иҗат итүнең үзенчәлекләре турында сөйләде. Бу хакта ул «Сәйдәш» мәдәният үзәгендә Идел буенда яшәп иҗат иткән заманча композиторларның «Балаларга музыка» вокал һәм хор музыкасы төбәк фестивале гала-концертында әйтте.

Казан федераль университетында талантлы белгечләр әзерлиләр, алар Россиянең технологик лидерлыгын тәэмин итәргә тиеш. Бу хакта Муса Җәлил исемендәге Татар дәүләт опера һәм балет театрында Казан федераль университетының 220 еллыгына багышланган тантаналы җыелышта Россия Хөкүмәте Рәисе урынбасары Дмитрий Чернышенко белдерде. Бу хакта «Татар-информ» хәбәрчесе Александр Хевронин яза.

Бүген, 23 ноябрьдә, Татарстанда җылы, җилле һәм тотрыксыз һава торышы сакланачак. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

Представители «Боевого братства» Нурлата вернулись с зоны СВО, выполнив свою гуманитарную миссию.

Установка праздничной ёлки предвещает новогодний настрой.

Татарстанда сәнәгать паркларының тулылыгы буенча уртача күрсәткечләр 76,6 процентны тәшкил итте. Моңа дәүләт тарафыннан ярдәм чаралары күрсәтү бәрабәренә ирешелгән. Бу хакта ТР икътисад министрының беренче урынбасары Наталья Кондратова республикада «Кече һәм урта эшмәкәрлек» илкүләм проектын гамәлгә ашыру нәтиҗәләренә багышланган матбугат очрашуында хәбәр итте.

Зәйнең Татарстан буенча Россия Социаль фонды клиент хезмәте бүлегендә өлкән буын белән аралашу үзәге ачылды. Бу Татарстанда ачылган үзәкләрнең унынчысы булды. Бу хакта «Зәй яңалыклары» сайтында Энҗе Әгъләмова хәбәр итә.

Әлмәттән махсус операция зонасына гуманитар йөк җибәргәннәр. Өч бүлекчә өчен 18 тонна махсус йөк җыйганнар. Бу хакта «Әлмәт таңнары» Әлмәт районы башлыгы матбугат хезмәтенә сылтама белән хәбәр итә.

«Авыл территорияләрен комплекслы үстерү» дәүләт программасы буенча быел Кукмара районы Олыяз авылында бер чакрым юлга асфальт түшәлгән. Бүген клуб каршындагы участокны ачу тантанасы узды. Бу хакта «Хезмәт даны» сайтында Алсу Сәлахетдинова хәбәр итә.

23 ноябрьдә 10:00 сәгатьтә Лениногорскиның «Ихлас» мәчетендә якынлашып килүче Әниләр көне уңаеннан бәйрәм чарасы оештырыла. Бу хакта «Заман сулышы» хәбәр итә.

Азат милләтләр Лигасы вәкиле, башкорт активисты Айгөл Лайон Канада парламентында башкортча чыгыш ясады, ул Башкортстан да, Татарстан да Русиядән азат ителеп, аерым дәүләт буларак оешырга тиеш, диде. Идел-Урал штаты ни өчен кулай түгеллеген аңлатты.

Теләчедә «Киләчәк» яшьләр үзәгендә район сәнгать мәктәбенең 30 еллыгы уңаеннан зур концерт – тантана булды. Бу хакта «Теләче-информ» хәбәр итә.