Новости за 18.02.2026

1 марттан 8 мартка кадәр Татарстан башкаласында MISS BRICS / MRS BRICS / LITTLE MISS BRICS 2026 матурлык бәйгесе узачак. Анда 17 илдән катнашучылар киләчәк. Бу хакта «Интерфакс» тагы матбугат конференциясендә ТР вице-премьеры Ләйлә Фазлыева хәбәр итте.

Татарстанның сәламәтлек саклау министры Альмир Абашев медицина өлкәсендә импортны алмаштыру темплары Татарстанда югары булачагына ышанычын белдерде.

2026 елда Казанда авыл хуҗалыгы ярминкәләре 15 мәйданчыкта узарга мөмкин. Шәһәр Башкарма комитеты карары проекты хәзерге вакытта коррупциягә каршы экспертиза уза.

ТР Рәисе Рөстәм Миңнеханов барлык җаваплы хезмәтләргә түбәләрне карап тотуны контрольдә тотуны көчәйтергә кушты. Бу хакта Татарстан лидерының матбугат хезмәте җитәкчесе Лилия Галимова хәбәр итте.

Узган 2025 елда Республика клиник хастаханәсе табиблары 37 мең 455 кешегә операция ясаган. Хастаханә командасы бер ел эчендә 300 меңнән артык пациентны кабул иткән. Әлеге мәгълүматларны бүген РКБның медицина советы утырышында игълан иттеләр.

Рак диагностируют даже у младенцев

Рак – одна из основных причин смертности в мире. Он настолько коварен, что не щадит своих жертв, независимо от их возраста. Никого не может остановить равнодушным тот факт, что раком болеют и дети. Казалось бы, их жизнь только начинается, они не успели «нажить» известных всем факторов риска, так почему же болезнь не обходит их стороной?

«В 90% случаев рак у детей возникает независимо от каких-то внешних факторов, происходит некая генетическая поломка на уровне эмбриональных клеток. Читать дальше...

Яман шеш кешенең яшенә карап тормый – өлкәннәр дә, сабыйлар да авырый. Бала организмында яман шеш күзәнәкләре кайчан формалаша? Баланы дәвалау өчен ата-аналарга нишләргә? Бу хакта 15 февральдә билгеләп үтелә торган яман шеш белән авыручы балалар көне алдыннан «Татар-информ»га Татарстанның Республика балалар клиник хастаханәсе табиб онколог-гематолог Татьяна Максимова сөйләде.

2027 елдан Россия югары уку йортларына гуманитар юнәлешләргә кергәндә тарих буенча бердәм дәүләт имтиханы (БДИ) мәҗбүри предмет булачак. Бу хакта Мәгариф һәм фән өлкәсендә күзәтчелек буенча федераль хезмәт (Рособрнадзор) башлыгы Анзор Музаев 2026 елда БДИ кампаниясе башлануга багышланган матбугат конференциясендә белдерде, дип яза «ТАСС».

Алабугада уртача хезмәт хакы 209 мең сумга җиткән. Мондый мәгълүматларны Алабуга районы хисап сессиясендә җиткерделәр – мәгълүмат утырыш материалларында бар.

Мәскәү шәһәре Татар мәдәнияте үзәгендә бөек татар шагыйре, Советлар Союзы Герое һәм Ленин премиясе лауреаты Муса Җәлилнең тууына 120 ел тулуга багышланган «Үлемсезгә әверелгән исем» дип аталган әдәби-музыкаль кичә узды. Чараны Татар мәдәнияте үзәге китапханәсе мөдире Розалия Хәнәфиева оештырды. Бу хакта Мәскәү татарлары автономиясенең «ВКонтакте» социаль челтәрендәге төркемендә хәбәр ителә.

Якшәмбе, 22 февральдә, Бауман урамында Бауман урамының иҗтимагый префектурасы оештырган Май чабу бәйрәмнәре узачак. Бәйрәм алтынчы мәртәбә уздырылачак. Программада: артистлар чыгышлары, конкурслар, әйлән-бәйлән уйнау. Бу хакта Казан мэриясе матбугат хезмәте хәбәр итә.

Яшел Үзәндә «Магнит» складының түбәсе ишелгән. Хәзер җимерекләр астыннан зыян күрүчеләрне эзлиләр.

Бүген Казан Кремлендә Татарстан Республикасы Хөкүмәте һәм Минск өлкә башкарма комитеты арасында 2026-2027 елларга чаралар планы имзаланды. Бу хакта ТР Рәисе матбугат хезмәте хәбәр итә.

Казанның Шәһәр төзелеше рөхсәтләре идарәсе 2025 елда объектларны файдалануга тапшыруга 175 рөхсәт биргән. Бу хакта шәһәр мэриясе хәбәр итә.

19 февральдә төнлә һәм иртән Татарстан территориясендә һәм Казанда урыны белән томан һәм һава температурасының төшүе көтелә. Бу хакта Татарстан Республикасы Гидрометеорология үзәге хәбәр итте.

Татарстан Республикасы Рәисе Рөстәм Миңнеханов Россия Банкы рәисе урынбасары Алексей Заботкин белән очрашу уздырды. Бу хакта төбәк башлыгы матбугат хезмәте хәбәр итә.

Дүшәмбе көнне, 23 февральдә, Казанның муниципаль парковкалары бушлай эшләячәк. Бу Ватанны саклаучылар көнен бәйрәм итү белән бәйле.

Бүген Ташкент шәһәренең Рус йортында герой-шагыйрь Муса Җәлилнең тууына 120 ел тулуга багышланган «Кара урман» фильмының премьерасы була. Бу хакта Ташкент шәһәре Татар иҗтимагый мәдәни-агарту үзәге Телеграм-каналы хәбәр итә.

Бүген, 18 февральдә, кояш баю белән, изге Рамазан ае керә. Иртәгә, 19 февральдә, мөселманнар ураза тота башлый. Казанда һәм Татарстан Республикасының иң зур шәһәрләрендәге мәчетләрдә ифтарлар уздырылачак. Ифтарлар Казанда гына да 49 мәчеттә узар дип көтелә. Моннан тыш, кайбер мәчетләр, пандемия чорында башланган традицияне дәвам итеп, ифтарга ланч-бокслар таратуны оештыра. Ифтарлар уза торган мәчетләр исемлеге белән ТР Диния нәзарәте сайтында танышырга мөмкин.

Татарстан Рәисе Рөстәм Миңнеханов бүген Ташкент өлкәсе хакиме Зойир Мирзаев җитәкчелегендәге Ташкент өлкәсе делегациясе белән очрашты. Бу хакта ТР Рәисе матбугат хезмәте хәбәр итә.

Советлар Союзы Герое, Оренбург өлкәсенең Шарлык районы Мостафа авылында туып үскән шагыйрь Муса Җәлилнең тууына 120 ел тулу алдыннан Оренбург өлкәсенең Берләшкән Дәүләт архивы аның биографиясе белән бәйле уникаль документ тәкъдим итте. Бу хакта Бөтендөнья татар конгрессы матбугат хезмәте хәбәр итә.

Татарстан Республикасы Премьер-министры урынбасары – Татарстан Республикасының Россия Федерациясендәге Тулы вәкаләтле вәкиле Равил Әхмәтшин Татарстанның Россиядәге Тулы вәкаләтле вәкиллеге каршындагы Яшьләр советы белән очрашты. Бу хакта вәкиллекнең матбугат хезмәте хәбәр итә.

2030 елга Россия Транспорт министрлыгы программалары буенча төбәкләрдә 20 мең берәмлектән артык җәмәгать транспортын яңарту планлаштырыла. Бу хакта транспорт министры Андрей Никитин, «Нәтиҗәле транспорт системасы» юнәлеше буенча Дәүләт Советы комиссиясе утырышында чыгыш ясаганда хәбәр итте, дип яза РФ Хөкүмәте матбугат хезмәте.

Башкортстанда мәдәният министры Әминә Шәфыйкованы тоткарлаганнар. Бу хакта хокук саклау органнарындагы чыганакларга таянып ТАСС хәбәр итә.

Узган тәүлектә Казан урамнарыннан 30,9 мең тонна кар чыгарылган. Бу хакта шәһәрнең Тышкы төзекләндерү комитетында хәбәр иттеләр.