Татарстанстат бер атна эчендә иң нык күтәрелгән азык-төлекне атады

Татарстанстат 2 майга республика буенча азык-төлек товарларына уртача куллану бәяләрен атады. Материаллардан күренгәнчә, бер атна эчендә чөгендер, кишер һәм кәбестә аеруча нык кыйммәтләнгән.

Әйтик, бүген чөгендернең килограммы уртача – 55 сум (+9 процент), кишер – 44 сум тирәсе (+3 процент), кәбестә 37 сум (+2 процент) тора.

Кыярның килограммы исә 5 процентка (хәзер ул 142 сум тора), помидор – 3,5 процентка (236 сум), йомырканың дистәсе 2 процентка (120 сум) арзанайган.