Бер атна эчендә Татарстанда яшелчә бәясе арткан

Июньнең соңгы атнасында Татарстанда кыяр бәясе 12 процентка арткан. 1 килограммның бәясе 94,6 сумнан 106,3 сумга кадәр артты, дип хәбәр итә Татарстанстат.

Моннан тыш, бәрәңгенең бәясе 10% ка диярлек артты — 46,09 сумга кадәр, помидорның 2,1% — 164,82 сумга кадәр. Алма, кишер, вермишель, арыш һәм арыш-бодай икмәге, балалар өчен коры сөт катнашмалары, аерылмаган туңдырма балык бәяләре 2% чикләрендә үзгәрде.

Шул ук вакытта кайбер азык-төлек товарлары, киресенчә, арзанайды. Мәсәлән, банан бәясе 3 сумга диярлек — 155,58 сумга кадәр, чөгендөр бәясе 2 сумга диярлек — 66,6 сумга кадәр төшкән. Йомырка 105,3 сум тора, ә бер килограмм колбаса 438,81 сум тора, бу 24 июнь бәясеннән 12 сумга диярлек түбәнрәк.