Төркия аэропортларында пассажирларның багажын җентекләбрәк тикшерәчәкләр

Төркия аэропортларында пассажирларны тикшерү процедурасын катгыйландырдылар. Кичә ил парламентында шул хакта төзәтмәләр кабул ителде. Барлык төзәтмәләр дә гражданнар авиациясе хакындагы законга кагылды, дип хәбәр итә Habertürk телеканалы.

Яңа кагыйдәләр Халыкара гражданнар авиациясе конвенциясе (Чикаго конвенциясе) нормаларына җавап бирәчәк. Хәзер иминлек хезмәтендә эшләүчеләр пассажирларның әйберләрен терминалга һәм утырту зонасына кергән вакытта тикшерә ала. Мондый процедура шәхси багажга, шулай ук электрон җайланмаларга кагылачак. Әгәр пассажир әйберләрен тикшерергә бирүдән баш тартса, аны рейска үткәрмәячәкләр. Гражданинда тыелган әйберләр табылса, линия хезмәткәрләре аларны урында ук конфискацияли.

Төркиянең төп аэропортларында кешеләр ике тикшерү пункты аша уза. Тикшерү, кагыйдә буларак, заманча җиһаз аша үткәрелә, әмма кирәк булса, хезмәткәрләр физик тикшерү алымын да куллана.

Шулай ук яңа закон 620-15,6 мең доллар күләмендә штраф салуны да күздә тота. Әгәр самолет экипажы очыш вакытында бортта ниндидер закон бозулар хакында хәбәр итмәсә, алар штрафка тартылачак.