Мәктәп олимпиадаларында җиңгән Казан укучыларына 40 меңгә кадәр премия түләнә

Казанда 2024 елда республика һәм бөтенроссия мәктәп олимпиадалары җиңүчеләренә һәм призерларына башкарма комитет җитәкчесенең исемле премиясе түләнәчәк. Тулаем алганда моның өчен 23 млн акча бүлеп бирелә. Бу хакта Казан башкарма комитеты карары проектында әйтелгән.

Премияләр июль аенда түләнәчәк. Акча күләме вакыйганың этабына бәйле була:

– 8 сыйныф укучылары өчен республика олимпиадасында (24 фән), геология, Татарстан тарихы буенча республика олимпиадасында җиңүчеләр һәм призерлар өчен – 5 мең сум;

– 7-11 сыйныф укучылары өчен татар теле һәм әдәбияты, рус теле һәм әдәбияты (туган телдә уку, көнчыгыш телләре) һәм бөтенроссия олимпиадасының төбәк этабы өчен – 20 мең;

– Мәктәп укучыларының бөтенроссия олимпиадасының йомгаклау этабы җиңүчеләренә – 40 мең сум;

– Призерларга – 30 мең.

Шулай ук түләү тәртибе, шул исәптән кирәкле документлар исемлеге дә билгеләнгән.

«Премияне Казан шәһәре башкарма комитетының Мәгариф идарәсе түли. Акчаны укучының исәп-хисап счетына яки әти-әнисенең (законлы вәкиленең) исәп-хисап счетына күчерәләр», – диелә текстта.

Хәзерге вакытта документ ришвәтчелеккә каршы экспертиза уза.