Татарстанда урманчылык юнәлешендә укучы студентларга бюджеттан стипендия түләнәчәк
Татарстанда югары уку йортларында республиканың урман тармагына кирәкле юнәлешләрдә максатчан укучы студентларга бюджеттан айлык түләү билгеләячәкләр. Стипендия 2053,7 сум була, диелгән Татарстан Хөкүмәте карарында.
Түләүләр Татарстанның Урман хуҗалыгы министрлыгы белән максатчан уку турында килешү нигезендә көндезге бүлектә укучы студентларга бирелә. Килешүдә, укучы министрлыкка караган оешмада әзерлекнең күрсәтелгән юнәлеше буенча кимендә өч ел эшләргә тиеш булуы күрсәтелергә тиеш. Шулай ук стипендия алуга кандидат студентның салымнар һәм бюджетка җыемнар буенча бурычлары булырга тиеш түгел, моны салым органыннан белешмә алып расларга була.
Моннан тыш, документта түләүләрнең ни сәбәпле туктатылырга мөмкин икәне дә күрсәтелгән. Бу шул исәптән армиягә чакыру, академик отпуск, белешмәне вакытында тапшырмау, укуның килешүгә туры килми торган башка юнәлешенә күчерү (үз инициативасы белән).
«Әлеге карар 2024 елның 1 сентябреннән хокукый көченә керә», – диелә документта.
Хәзер документ ришвәтчелеккә каршы экспертиза уза.