Гарәп Әмирлекләре дин эшләре буенча җитәкчесе «Кол Шәриф» мәчетендә җомга намазы үткәрде

Бүген, 26 июль көнне, «Кол Шәриф» мәчетендә җомга намазын, Берләшкән Гарәп Әмирлекләре президенты фатыйхасы белән, БГӘ дин эшләре буенча баш идарәсе җитәкчесе Гомәр Әд-Дир’и уздырды.

Ул Татарстан башкаласына «Рухи Ефәк юлы: Зур Евразия киңлегендә дини кыйммәтләрнең әһәмияте» V Халыкара фәнни-дини конференциясендә катнашу өчен килде, дип хәбәр итә ТР Диния нәзарәте матбугат хезмәте.

Мөхтәрәм Гомәр Әд-Дир’и дин кардәшләребезгә әхлак темасына вәгазь сөйләде. Аларны Изге Коръән һәм Аллаһ Илчесенең с.г.в. сөннәте буенча яшәргә, үз-үзеңне камилләштерү юлыннан барырга һәм үзеңдә Аллаһы Тәгаләгә карата – мәхәббәт, тәкъвалык, ихласлык, сабырлык һәм башка яхшы сыйфатлар тәрбияләргә өндәде, диелә хәбәрдә.