Патриарх Кирилл Владимир Путинны изге Александр Невский ордены белән бүләкләде
Мәскәү һәм Россия Патриархы Кирилл Россия Президенты Владимир Путинны изге бөек князь Александр Невский ордены белән бүләкләде. Бу хакта ТАСС яза.
Изге бөек князь Александр Невский ордены Рус православие чиркәвенең югары орденнары исемлегенә керә һәм дәрәҗәсе буенча бишенче орден булып санала.
Бүләкнең девизы – «Аллаһ көчтә түгел, ә дөреслектә». Бу Александр Невский цитатасы. Орденның өч дәрәҗәсе бар.
Әлеге бүләккә Рус православие чиркәве башлыгы һәм Изге Синод билгеләмәсе белән 2021 елның 13 апрелендә бөек князь Александр Невскийның 800 еллыгы уңаеннан нигез салына.