Быел Татарстанда 342 укучы бердәм дәүләт имтиханыннан 100 балл җыйган
Быел Татарстанда бердәм дәүләт имтиханында 100 балл җыйган укучылар саны 342гә җиткән. Бу хакта Татарстанның Министрлар Кабинетында узган брифингта республиканың мәгариф һәм фән министры Илсур Һадиуллин әйтте.
«Татарстанда БДИдан 100 баллы нәтиҗәләр сизелерлек, 366га кадәр артты. Аларның 324е быелгы укучы, яки бер фәннән 100әр балл җыючылар һәм 18е узган еллардагы чыгарылыш укучылары», – дип сөйләде министр.
Министр Казан, Чаллы, Түбән Кама, Әлмәт, Яшел Үзән, Бөгелмә, Лениногорск һәм Чистай районнарыннан укучыларның уңышларын аерым билгеләп үтте.
Соңгы берничә елда беренче мәртәбә Татарстанда ике укучы кыз өч имтиханны да 100әр баллга тапшырды. Әлмәт шәһәренең 20 нче мәктәп укучысы Анастасия Князева рус теле, инглиз теле һәм әдәбият буенча иң югары балл җыйды.
Казанның Вахитов районының инглиз телен тирәнтен өйрәтә торган 18 нче мәктәбе укучысы Полина Романенко рус теле, әдәбият һәм тарихтан максималь балл җыйган. Дүрт фән буенча аның максималь баллары – 398.