Казан укучысы Төньяк полюска экспедициягә бара
Казанның 182нче лицеенда укучы Дарья Леонова Росатомның Арктика экспедициясе составында Төньяк полюска барачак. Бу хакта шәһәр Мәгариф идарәсе телеграм-каналында хәбәр ителә.
«Белем бозавткычы - 2024» 10 көнлек экспедициясендә катнашу «Зур тәнәфес» Бөтенроссия бәйгесенең «Киләчәкне төзе» чакыруында җиңү нәтиҗәсендә мөмкин булган. Сәяхәт 13-22 августта узачак. Катнашучылар өчен бай белем бирү программасы әзерләнгән, ул дүрт көн дәвам итәчәк. Аннары атомоход Төньяк полюска барып җитәргә тиеш.
«Булачак сәфәр алдан ук кызыктырып тора. Төньякта күп кенә яңа әйберләр белән танышу, җәен ак аюларны күрү мөмкинлеге күңелне җилкендерә, әмма ирешелгәннәрдә генә туктап калмаска кирәк», - дип белдерде җиңүче.
Экспедициядә катнашу мөмкинлегеннән тыш, Дарья Леонова 200 мең сум күләмендә премия дә алды. Әлеге акчаны ул белем алу, проектны үстерү яки башка максатларга юнәлтә алачак.
Искәртеп узабыз, 2024 елның мартында Татарстан геологы Төньяк полюска сәфәр откан иде.