Татарстан Рәисе Гыйбадәтханә төзүче патриарх билгесенә лаек булды
Кичә Мәскәү һәм Бөтен Русь Патриархы Кирилл Домодедовода Акулинино авылында Архангел Михаил чиркәвен изгеләндерде. Йола тәмамланганнан соң, ул яңа изгеләндерелгән чиркәүдә литургияне җитәкләде.
Анда Татарстан Республикасы Рәисе Рөстәм Миңнеханов катнашты. Патриарх Кирилл Рөстәм Миңнехановка Гыйбадәтханә төзүче патриарх билгесен тапшырды. Бу чиркәү бүләге Татарстан Рәисенә Архистратиг Михаил чиркәвен торгызуда ярдәм иткәне өчен рәхмәт йөзеннән тапшырылды, дип хәбәр итә республика митрополиясе.
Фото: © Татарстан Митрополиясе