Теләчедә ИТ-парк белән хезмәттәшлек турында килешү төзеделәр
Тиздән Теләче урта мәктәбе һәм Балалар иҗат үзәге базаларында ИТ-парк белән уртак эш башланачак. Бу хакта «Теләче» сайтында хәбәр ителә.
Теләче муниципаль районының социаль мәсьәләләр буенча башкарма комитет җитәкчесе урынбасары Динар Гыйниятуллин һәм ИТ-паркның төбәк үсеш секторы җитәкчесе Аяз Сәрвәров хезмәттәшлек турында килешү төзеде.
Ул Казан ИТ-паркы белән белгечләр әзерләү, уртак чаралар, белем бирү проектлары уздыру, безнең муниципаль районда мәгълүмати технологияләр өлкәсен үстерү стратегиясен эшләү һәм гамәлгә ашыру буенча уртак эш алып барылачак. Бу проектта 7 класс-11 класс укучылары, студентлар катнаша ала.
Фото: https://tulachi.ru/