Кайбер пассажирларны төшереп калдырган өчен машина йөртүчеләргә штраф сала башлыйлар
1 сентябрьдән Россиядә машина йөртүчеләрне I төркем инвалидлар һәм инвалид балаларны транспорттан төшереп калдырудан тыя торган закон гамәлгә керәчәк. Дәүләт Думасының транспорт һәм транспорт инфраструктурасын үстерү комитеты рәисенең беренче урынбасары Павел Федяев шулай дип белдерде. Бу хакта РИА Новости агентлыгы хәбәр итә.
Әлеге тыюны бозган өчен аларны физик затларга – 30 мең, вазифаи затларга 30 мең сумга кадәр штраф көтә.
Парламентарий моңа кадәр Россиядә, озата баручы кешеләре булмаса яки социаль карталарын онытып калдырсалар, I төркем инвалидларны транспорттан төшереп калдыруны тыя торган закон кабул ителүен билгеләп үтте.
Элегрәк Татарстанда штраф түләмәүчеләрнең антирейтингы төзелгән иде. Әйтик, бер машина йөртүче 2024 ел башыннан бирле 322 штраф җыйган, шуларның бары тик 103ен генә түләгән.
Күптән түген Казанда «куяннар» (җәмәгать транспортында билетсыз йөрүче пассажирлар) өчен штрафны 2,5 мең сумга кадәр күтәрергә тәкъдим иттеләр.