Казан һәм Түбән Кама аэропортлары эшендәге вакытлы чикләүләр бетерелде

Казан һәм Түбән Кама аэропортлары эшенә вакытлыча кертелгән чикләүләр бетерелде. Бу хакта Росавиация вәкиле хәбәр итә.

«Мәскәү вакыты белән 12.30 сәгатьтә Казан һәм Түбән Кама аэропортлары эшендәге чикләүләр бетерелде», - диелә белдерүдә.

Чикләү гамәлдә булган вакытта ун һава судносы: Казанга юл тоткан - сигез һәм Түбән Камага очкан ике самолет запас аэродромнарга җибәрелде.

Әлеге чара очышларның иминлеген тәэмин итү өчен кертелде. Искәртеп узабыз, бүген 07.00 сәгатьтән – Казан аэропорты, ә 9.00 сәгатьтән Түбән Кама аэропорты эшен вакытлыча туктатты.