Чувашия башлыгы Николаев Татарстан халкын Республика көне белән котлады
Чувашия башлыгы Олег Николаев Татарстан халкын Республика көне белән котлады. Котлау сәясәтченең Телеграм-каналында чыкты.
Николаев билгеләп үткәнчә, Татарстан бай тарихлы, уникаль мәдәниятле һәм традицияләргә бай төбәк.
«Биредә 170тән артык милләт тату яши, алар арасында йөз меңнән артык чуваш та бар. Барыбызны да халыклар дуслыгы, күршеләрчә мөнәсәбәтләр, уртак йортыбызның, яраткан Россиябезнең чәчәк атуы хакына хезмәт итү теләге берләштерә», - дип яза Николаев.
Ул шулай ук Чувашия белән Татарстан арасындагы мөнәсәбәтләр киләчәктә дә ныгыячагына ышаныч белдерде.
«Бәйрәм белән котлыйм! Татарстан халкына ныклы сәламәтлек, эшләрендә уңышлар, югары казанышлар, төбәккә киләчәктә үсеш алуын һәм чәчәк атуын телим», - дип язган Николаев.