Владимир Путин Монголиягә килде
Россия Президенты Владимир Путин рәсми сәфәр белән Монголиягә килде. Россия лидеры самолеты Улан-Батор аэропортына төште, дип хәбәр итә ТАСС.
Путин илдә ике көн булачак. 3 сентябрьгә Монголия Президенты Ухнаагийн Хурэлсух белән очрашу, документлар имзалау һәм СССР маршалы Георгий Жуков һәйкәленә чәчәкләр салу планлаштырылган.
Дәүләт башлыгын аэропортта милли кием кигән мактаулы каравыл сәламләде, ә трап янында Монголия җитәкчелеге вәкилләре каршы алды, дип билгеләп үтелә.