Белем көнендә Татарстан Росгвардиячеләре мәктәп укучылары өчен батырлык дәресләре үткәрде
Уку елының беренче көнендә Татарстан Республикасы буенча Росгвардия вәкилләре полиция хезмәткәрләре белән берлектә Белем көненә багышланган чараларда иминлекне тәэмин итте, шулай ук батырлык дәресләре үткәрде. Бу хакта ведомствоның матбугат хезмәте хәбәр итә.
«Җәмәгать тәртибе һәм куркынычсызлыкны бозулар булмады», - дип белдерделәр ведомствода.
Фото: © ТР буенча Росгвардия идарәсе
Моннан тыш, республиканың кайбер уку йортларында Росгвардия идарәсенең территориаль идарәсе офицерлары яңа уку елы башлануга багышланган тантаналы чараларга кушылды.
Советлар Союзы Герое Борис Кузнецов исемендәге Казан кадет интернат-мәктәбе укучылары каршында Росгвардиянең территориаль идарәсе офицеры майор Алексей Путинцев чыгыш ясады. Ул мәктәптә тәрбияләнүчеләргә кадет исемен намус белән йөртергә һәм кадетлар кардәшлеге традицияләренә тугры булырга, дип теләде.