Владимир Путин Улан-Баторда маршал Жуков һәйкәленә венок куйды
Россия Президенты Владимир Путин һәм Монголия Президенты Ухнагийн Хурэлсух Улан-Батор шәһәрендә мемориаль комплекста Советлар Союзы маршалы Георгий Жуков һәйкәленә венок куйды. Бу хакта Кремль матбугат хезмәте хәбәр итә.
Халхин-Гол елгасындагы операция нәтиҗәсендә совет-монгол гаскәрләре Япониянең Квантун армиясе берләшмәләрен тар-мар иткән, шуның өчен Жуков Советлар Союзы Героеның беренче йолдызын алган. 1969 елда аңа Монголия Халык Республикасы Герое исеме бирелә.
Мемориалны 1979 елда Халхин-Голда Җиңүнең 40 еллыгына ачтылар. Элек музей урынында йорт була, анда Жуков 1939-1940 елларда яши һәм эшли.
Ике ил лидеры Халхин-Голда бәрелешләрдә катнашкан ветеран, «Хәтер вакыттан көчлерәк» VI яшьләр экспедициясе эзләүчеләре һәм катнашучылары белән аралашты.