Махсус операция ветераны Эдуард Елизаров «Ватанга хезмәт итәм» акциясе лекторы булды

«Ватанга хезмәт итәм» проекты кысаларында хәрби хәрәкәтләр ветераны Эдуард Елизаров Югары Ослан районының «Дзержинец» сәламәтләндерү лагеренда ял итүче балалар белән очрашты. Бу хакта Россиянең «Белем» җәмгыяте матбугат хезмәте хәбәр итә.

Акцияне бөтен ил буенча 30 меңгә якын кеше тыңлады. Идел буе федераль округында исә – 4 меңгә якын кеше.

«Без патриотик тәрбиянең бөтенләй яңа системасын формалаштырабыз, анда төп рольне дәүләт мәнфәгатьләрен яклаган кешеләр уйный. Моңарчы булган локаль сугышлар һәм конфликтлар ветераннары, Ватанны саклаучылар үз үрнәген күрсәтә һәм яшьләргә батырлык, Туган ил, каһарманлык турында хакыйкатьне җиткерә ала. Яшьләр бу эшкә үзләре зур энтузиазм белән алынучы геройларның хикәяләрен бик уңай кабул итә», — дип сөйләде статс-секретарь — Россия саклану министры урынбасары, «Ватанны саклаучылар» фонды рәисе Анна Цивилева.

Акция барышында махсус хәрби операциядә катнашучылар һәм ветераннар мең тапкырдан артык чыгыш ясаган. Яшьләр тормыш юлын сайлау, патриотлык һәм каһарманлык, мәгълүмати куркынычсызлык нигезләре, социаль челтәрләрдә вербовка корбаны булмау, үз гамәлләрең өчен җаваплылык турында белде. Хәрби хәрәкәтләр ветераннарының һәрберсе үзенең махсус операциядә катнашу тарихы белән уртаклашты.

«Белем. Геройлар трегы кысаларында үткәрелгән «Ватанга хезмәт итәм» акциясенә яшьләрдән бик зур кайтаваз булды. Без аларга хәрби хәрәкәтләр ветераннары, аларның тарихлары һәм тәҗрибәсе, тормыш принциплары кызык булуын күрдек. Сүз уңаеннан, лекорларның күбесе беренче тапкыр чыгыш ясады, без аларга методик ярдәм күрсәттек», - дип сөйләде «Белем» җәмгыяте генераль директоры Максим Древаль.

Федераль җыенга юлламасы барышында РФ Президенты Владимир Путин билгеләп үткәнчә, чын элита — ул Россиягә хезмәт итүчеләр: ышанычлы, сыналган, Россиягә тугрылыгын эше белән исбатлаган хезмәтчәннәр һәм хәрбиләр.