Россия халкын мошенникларның яңа күп этаплы схемасы турында кисәттеләр

Сбербанк яңа күп этаплы мошенниклык схемасын теркәгән. Ул ресторанда хезмәт күрсәтү сыйфатын бәяләүне сорау белән башлана, моның өчен акча вәгъдә итәләр. Һәм шәхси мәгълүматларның чыгуы һәм акчаларның югалуы белән тәмамлана, дип сөйләде журналистларга Сбербанк идарәсе рәисе урынбасары Станислав Кузнецов Көнчыгыш икътисади форумында. Бу хакта РИА Новости яза.

«Без соңгы вакытта шундый кызыклы схема теркәдек: бу пассив алдау, ягъни кешеләргә шалтыраталар һәм нинди дә булса ресторанның профессиональлегенә яки хезмәт күрсәтү сыйфатына бәя бирүне сорыйлар, сезгә бу хезмәт өчен түләнәчәк, дип вәгъдә итәләр. Әгәр дә бәягез кабул ителсә, сезгә бүләк биреләчәк, дип ышандыралар. Кешеләр бернинди дә мәгълүмат тапшырмый кебек, ә шул ук вакытта акчалата приз - 300, ә кайвакыт хәтта 500 сум ала», - диде ул.

Кешеләрне мондый «алдан түләп кую» кызыктыра, дип аңлатты Кузнецов. Аннары исә яңа тәкъдимнәр барлыкка килә башлый. «Яңа тәкъдимнәрне үтәгәндә кешеләр, күбрәк акча алу өчен, үзенең банк реквизитларыннан бераз акча күчерергә тиеш була. Бу алдау да барып чыгарга мөмкин», - дип сөйләде Сбербанк идарәсе рәисе урынбасары.

«Шулай итеп, акрынлап, кеше кызып китә, һәм ахыр чиктә без пассив күзәтүченең шундый катлаулы механизмы аркасында кешеләрнең шәхси мәгълүматларын ышанып тапшыруының дистәләгән очрагы барлыкка килүне теркибез», - дип йомгаклады Кузнецов.

Көнчыгыш икътисади форум 3-6 сентябрьдә Владивостокның Ерак Көнчыгыш федераль университеты кампусы мәйданчыгында уза.