Әлмәттә автор курчаклары күргәзмәсе була

Әлмәттә «Сны чародея 21 века» автор курчаклары күргәзмәсе уза. Күргәзмәдә Россия осталары ясаган 114 курчак тәкъдим ителгән. Бу хакта «Әлмәт таңнары» хәбәр итә.

Экспонатлар арасында яраткан мультфильм персонажлары, шулай ук мифологик затлар, тарихи шәхесләр һәм сәнгать әсәрләре геройлары бар.

Күргәзмә Ленин урамы, 98 адресы буенча картиналар галереясендә урнашкан. Ул 24 ноябрьгә кадәр эшли.