Виноградов: Татарстанда гаилә белән сайлау киң күзәтелә

Татарстанда сайлауларда бөтен гаилә белән сайлау Россиянең башка төбәкләренә караганда күбрәк күзәтелә. Бу хакта матбугат конференциясендә политолог, «Петербург сәясәте» фонды президенты Михаил Виноградов әйтте.

«Гаилә белән тавыш бирү, Татарстанда башка төбәкләр белән чагыштырганда, җанлырак бара. Сайлау процессын оештыручылар тавыш бирү көне атмосферасы һәм сайлауга килү күрсәткече арасында бәйләнеш күрә дигән сүз юк», – дип билгеләп узды Виноградов.

«Татар-информ» соравына җавап биреп, ул сайлауда мохит һәм сайлауга килү күрсәткече үзара ничек бәйләнгәнен аңлатты.

• Татарстан Дәүләт Советы депутатларын сайлаулар 8 сентябрьдә уза. 50 депутат – партия исемлекләре, тагын 50се бер мандатлы сайлау округлары буенча сайланачак.
• Үзәк сайлау комиссиясе биш сәяси партиянең исемлекләрен теркәде: «Яңа кешеләр», «ЛДПР – Россия либераль-демократик партиясе», «Гадел Россия – Патриотлар – Дөреслек өчен», «Бердәм Россия», «КПРФ – Россия Федерациясе Коммунистлар партиясе».
• 100 депутат мандатына барлыгы 397 кандидат дәгъва кыла.