Рөстәм Миңнеханов Бөтендөнья күчмә халыклар уеннарында катнашу өчен Астанага килде

Татарстан Рәисе Рөстәм Миңнеханов Казахстан чакыруы буенча Бөтендөнья күчмә бөтендөнья уеннарында катнашу өчен Астанага килде. Астана халыкара аэропортында аны Казахстанның сәнәгать һәм төзелеш министры Канат Шарлапаев каршы алган. Бу хакта республика Рәисенең матбугат хезмәте җитәкчесе Лилия Галимова хәбәр итте.

Бөтендөнья күчмә халыклар уеннары 8-13 сентябрьдә уза. Ярышларда 85ләп илдән 2 меңнән артык кеше катнаша. Программа кысаларында 21 ярыш һәм 10 күрсәтмә спорт төре буенча ярышлар уздыру планлаштырыла. Алар арасында ат чабышлары, милли көрәш төрләре, традицион интеллектуаль уеннар, көрәш төрләре буенча ярышлар, традицион җәядән ук ату, кошлар белән милли аучылык төрләре, атларда ярышу һәм халык уеннары бар.

Бөтендөнья күчмә халыклар уеннары беренче мәртәбә Кыргызстанда, ә соңгы тапкыр Төркиядә узган була.

Россия җыелма командасында татарстанлылар да бар. Команда барлыгы 27 спортчы, 5 тренер һәм 12 хөкемдардан тора.