Лениногорск мөхтәсибәте гошер сәдакасы җыя башлау турында хәбәр итә
Лениногорск мөхтәсибәте 10 сентябрьдән 20 октябрьгә кадәр гошер сәдакасы җыю турында хәбәр итте. Бу хакта «Заман сулышы» сайтында Розалия Мостафина яза.
Яшелчәләрне «Ихлас» мәчетенә алып килергә мөмкин. Аннары аларны мохтаҗларга, мәдрәсәләргә, күп балалы гаиләләргә тапшырачаклар.
Гошер сәдакасы буенча Лениногорск мөхтәсибәтенә Гомәр хәзрәткә шалтыратып белешергә була: 8960-071-72-85
Гошер сәдакасы җыю Татарстанның барлык мөхтәсибәтләрендә үзәкләштерелгән рәвештә 2017 елдан бирле үткәрелә.