Володин октябрьдә үз көченә керәчәк законнар турында сөйләде

1 октябрьдән хәрби пенсияләр һәм федераль дәүләт учреждениеләре хезмәткәрләренең хезмәт хаклары 5,1 процентка индексацияләнәчәк. Бу хакта Дәүләт Думасы Рәисе Вячеслав Володин Дәүләт Думасының Телеграм-каналында дип сөйләде, дип яза РИА Новости.

«Хәрбиләрнең пенсияләре 5,1 процентка индексацияләнәчәк. Бу чара якынча 2,8 миллион кешегә кагылачак. Социаль йөкләмәләрне үтәү - дәүләтнең өстенлеге», - диде Володин.

Шулай ук түләү агентлары эшчәнлеген контрольдә тотуга кагылышлы закон үз көченә керә.

«Түләү агентлары аша гражданнар коммуналь хезмәтләр, мобиль элемтә һәм башка бик күп нәрсәләр өчен түли. Элек бу өлкә тулысынча җайга салынмаган, бу операцияләрнең үтә күренмәлелегенә куркыныч тудырган. Үз көченә керә торган норма вазгыятьне төзәтәчәк. Закон гражданнар хокукларын яклауга юнәлдерелгән», - диде Дәүләт Думасы Рәисе.

Моннан тыш, 1 октябрьдән пират сайтлары белән көрәш турындагы закон үз көченә керә, дип билгеләп үтелә Дәүләт Думасының Телеграм-каналында.

Шулай ук федераль дәүләт учреждениеләре хезмәткәрләренең хезмәт хаклары 5,1 процентка индексацияләнәчәк.

Сүз клиник үзәкләрнең медицина хезмәткәрләре, федераль югары уку йортлары укытучылары, гидрометеорология хезмәте хезмәткәрләре, фән, медик-социаль экспертиза, мәдәният федераль учреждениеләрендә эшләүчеләр, шулай ук көч структураларының гражданлык персоналы турында бара.