Самара өлкәсенең Зубчаниновка бистәсендә «Хыял» татар фольклор коллективы концерт куйган
Самара өлкәсенең Зубчаниновка бистәсенең «Луч» Мәдәният йортында Мулла авылы Мәдәният йортының «Хыял» татар фольклор коллективы концерты узды. Бу хакта «Самар татарлары» сайты хәбәр итә.
Сәламләү сүзе белән Самара шәһәренең Киров районы депутатлар советы депутаты Р. Фазлетдинов чыгыш ясады.
Бәйрәм программасында Фәнүзә Имангулова, Эльмира Нурмөхәммәтова, Гөлшат Әхмәтова, А. Габдерәшитова җырлары, шулай ук Андрей һәм Равилә Ждановлар, Али һәм Мәрьям Асановлар дуэты яңгырады, диелә хәбәрдә.