Путин Россиядә эшсезлек рекордлы түбән дәрәҗәдә булу турында хәбәр итте

Россия Федерациясендә эшсезлек рекордлы түбән дәрәҗәдә. Бу хакта ил Президенты Владимир Путин икътисади мәсьәләләр буенча киңәшмә барышында хәбәр итте.

«Россиядә эшсезлек өченче ай рәттән рекордлы түбән дәрәҗәдә — 2,4 процент», - диде дәүләт башлыгы.

Сәнәгать (шул исәптән югары технологияле) өстенлекле темплар белән үсә, дип өстәде Россия лидеры. Агымдагы елның беренче сигез аенда индустриаль үсеш 4,5 процент тәшкил иткән. Эшкәртү секторы 8,1 процентка, машина төзелеше 20 процентка диярлек арткан.

Фаразларга караганда, ел нәтиҗәләре буенча эчке тулаем продукт 3,9 процентка артачак. Бу уртача дөнья темпларыннан югарырак, дип йомгаклады дәүләт башлыгы.