Песков: Дустанә булмаган ил журналистларын Путинның йомгаклау конференциясенә кертәләр

Дустанә булмаган илләрнең гаммәви мәгълүмат чараларын декабрьдә РФ Президенты Владимир Путинның «Туры элемтә» белән берләштерелгән зур матбугат конференциясенә кертәчәкләр. Кремльнең рәсми вәкиле Дмитрий Песков шулай дип белдерде. Бу хакта ТАСС агентлыгы хәбәр итә.

«Дустанә булмаган илләрнең гаммәви мәгълүмат чаралары булачак», - дип раслады дәүләт башлыгының матбугат секретаре. Һәм: «Без аларны чакырабыз. Алар эшли», - дип өстәде.

Путинның «Туры элемтә» белән берләштерелгән зур матбугат конференциясен үткәрү вакытына килгәндә, Песков аның декабрьдәге бер пәнҗешәмбедә үтәчәген әйтте һәм төгәл датаны соңрак атарга вәгъдә итте.

Россия Президентының зур матбугат конференциясе һәм «Туры элемтә»се 2023 елда да берләштерелгән иде, алар 14 декабрьдә узды. 2022 елда бу чараларның берсе дә үткәрелмәде. 2020 елда - Covid-19 коронавирусы пандемиясе вакытында да берләштерелгән формат кулланылды.