Песков Россия Президентының Федераль Җыенга Юлламасы әзерләнә башлау турында сөйләде

Кремльдә Россия Президентының Федераль Җыенга Юлламасын белдерүгә әзерлек башланды инде. Әлегә төгәл көне юк, әмма чара быел булмый. Бу хакта ТАСС Кремльнең рәсми вәкиле Дмитрий Песковка сылтама белән хәбәр итә.

Басманың әңгәмәдәше сүзләренчә, юллама 2025 елның кыш ахырында яки яз башында булырга мөмкин. Ләкин аңа хәзер үк әзерләнә башлаганнар. «Ул алдан әзерләнә, бу процесс сузыла», - дип аңлатты Дмитрий Песков.

Искәртик, узган юлы Россия Президенты Владимир Путин Федераль Җыенга Юллама белән 2024 елның февралендә мөрәҗәгать иткән иде.