Путин – АКШ журналистына: Россия соңгы 2-3 елда күпкә куәтләнде

Соңгы ике-өч елда Россия күпкә куәтләнде, шул исәптән оборона сәнәгатендә. Россия Федерациясе Президенты Владимир Путин туры эфир барышында, Россия хәзер АКШ ка караганда көчсезрәк халәттәдер дип фаразлаган Америка журналисты соравына шулай дип җавап бирде.

«Сез һәм сезгә хезмәт хакы түләүчеләр Россиянең көчсез хәлдә булуын бик телисездер дә. Ләкин мин Россия соңгы ике-өч елда күпкә куәтләнде дип саныйм, чөнки без чып-чын суверен илгә әйләнәбез, кемгәдер бәйлелек бик аз күләмде», – дип ышанычын белдерде Путин.

Илбашы сүзләренчә, Россия үз икътисадын мөстәкыйль кайгыртырга сәләтле, үсеш темплары да югары. Илнең оборонага сәләте дә югары дәрәҗәдә булуын искәртте ул.

«Бүген Кораллы көчләрнең хәрби әзерлеге дөньяда иң югары урында дип ышанып әйтәм. Бу оборона сәнәгатенә дә кагыла. Армиягә һәм флотка кирәкле барлык производстволарда җитештерү күрсәткечләрен арттырабыз», – дип ассызыклады Путин. Ә Россиянең көндәшләре турында алай әйтеп булмый, дип саный Россия Президенты.