Татарстанда 25 декабрьдән янгынга каршы махсус режим кертелә
Татарстан Республикасында 25 декабрьдән янгынга каршы махсус режим кертелә. Бүген Россия Гадәттән тыш хәлләр министрлыгының ТР буенча Баш идарәсе башлыгы урынбасары, эчке хезмәт полковнигы Максим Трущин республикада янгынга каршы махсус режим кертүгә багышланган брифингта шулай дип белдерде. Брифинг «Татар-информ» агентлыгында узды.
«Традициягә кергәнчә, Яңа ел бәйрәмнәре вакытында республикада янгынга каршы махсус режим кертелә. Быел ул 25 декабрьдән 8 гыйнварга кадәр дәвам итәчәк», - диде Максим Трущин.
Бу чорда тиешсез урында пиротехника куллануга карата контроль көчәйтеләчәк.