Казанда автобус катнашында юл-транспорт һәлакәте булган
Бүген иртән Казанның Фучик – Завойский урамнары чатында автобус катнашында юл-транспорт һәлакәте булган.
Шәһәр Дәүләт автоинспекциясе мәгълүматлары буенча, маршрут автобусының йөртүчесе имин дистанцияне һәм тизлекне сакламаган, шул сәбәпле светофор янында торган Hyundai автомобиленә бәрелгән. Нәтиҗәдә, автобус махсус техника транспорт чанасына килеп сыланган.
Зыян күрүчеләр юк. Дәүләт автоинспекциясендә хәбәр итүләренчә, медицина учреждениесеннән хәбәрләр килмәгән.