Түбән Кама районында «Каз өмәсе» этнофестивале узачак

22 ноябрьдә Түбән Кама районының Колмакчы авылында IV «Каз өмәсе» этнофестивале узачак.

Кунакларны театральләштерелгән тамашалар, традицион каз йолку буенча мастер-класслар, халык һәм эстрада артистлары чыгышлары, милли ашлардан авыз итү, һөнәрләр ярминкәсе һәм бөтен гаилә өчен интерактив мәйданчыклар көтә.

Фестиваль программасы 10:00 сәгатьтә «Кунакчыл ишегалды»нда халык җырларыннан, уеннардан һәм каз йолкудан башлана. Төш вакытында «Инеш мончы» чишмәсе янында каз түшкәләрен юу йоласы узачак, ә 13:00 сәгатьтән авыл мәдәният йорты янындагы мәйданчыкта бәйрәм сәүдәсе, этнофотозона, хайваннарны тотып карап була торган зоопарк һәм мастер-класслар эшләячәк.