Мөхәммәтшин «Зенит-Казан»ны Суперкубок алуы белән котлады

Татарстан Дәүләт Советы Рәисе һәм ТР Волейбол федерациясе президенты Фәрит Мөхәммәтшин «Зенит-Казан» волейбол клубын Россия Суперкубогында җиңүе белән котлады.

«Искиткеч җиңү! Клуб тарихында унберенче трофей! Данлыклы «Зенит-Казан» волейбол командабызны Россия Суперкубогында җиңүе белән чын күңелдән котлыйм! Лаеклы уен! Рух ныклыгы, осталык һәм җиңүгә ихтыярның чын триумфы!» — дип язган сәясәтче үзенең Telegram-каналында.

«Сез янә үзегезгә тиңнәр юклыгын исбатладыгыз. Без сезнең белән, чемпионнарыбыз белән, горурланабыз! Сез трофейлар гына яулап калмыйсыз, республикадагы меңләгән баланы спорт белән шөгыльләнергә, яңа үрләр яуларга һәм үз көчләренә ышанырга рухландырасыз», — дип билгеләп үтте республика парламенты башлыгы.

«Клуб җитәкчелегенә һәм бөтен тренерлар штабына зур хезмәтләре өчен рәхмәт белдерәм! Бу Суперкубок яңа сезондагы җиңүләрнең башы гына булсын. Бөтен Татарстан сезнең өчен җан ата! Бу лаеклы җиңү! Без сезнең белән горурланабыз! Киләчәктә дә зур уңышлар телибез!» — дип йомгаклады Фәрит Мөхәммәтшин.

Кичә кич «Зенит-Казан» Новосибирскиның «Локомотив» командасын 3:1 исәбе белән җиңеп, Суперкубокны яулады. Турнир финалы Санкт-Петербург шәһәрендә узды.