Россиядә түбән лактозалы сөткә һәм сөт коктейльләренә ГОСТлар барлыкка килде
Россиядә беренче тапкыр балалар ризыклары өчен түбән лактозалы сөткә, шулай ук мәктәпкәчә яшьтәге һәм мәктәп укучылары өчен сөт коктейльләренә ГОСТлар гамәлгә керәчәк. Бу хакта РИА Новости агентлыгы Росстандарт җитәкчесе Антон Шалаевка сылтама белән хәбәр итә.
«Балалар ризыкларына бәйле стандартлар арасында безнең өчен горурлык тудырганнары бар - мәсәлән, түбән лактозалы сөткә беренче стандарт. Тагын мәктәпкәчә һәм мәктәп яшендәге балалар өчен сөт коктейленә күптән көтелгән ГОСТ барлыкка килде», - диде Шалаев.
Яңа стандартлар чималга, сөт составына һәм иминлегенә карата таләпләрне регламентлаштыра, шулай ук продуктның сыйфатын контрольдә тоту ысулларын булдыра. Яңа ГОСТларны гамәлгә кертү датасы – 2026 елның 1 гыйнвары.