Вячеслав Володин Рөстәм Миңнехановны якынлашып килүче 2026 ел белән котлады

Дәүләт Думасы Рәисе Вячеслав Володин Татарстан Рәисе Рөстәм Миңнехановка хөкүмәт телеграммасы җибәрде. Парламент спикеры республика лидерын якынлашып килүче бәйрәмнәр – Яңа ел һәм Раштуа бәйрәме белән котлады.

«Мөһим вакыйгаларга бай узган ел Россиянең көчле суверен дәүләт булуын күрсәтте, ул кешеләрнең иминлеген арттыруга юнәлдерелгән бурычларны хәл итә», – диелә телеграммада.

Дәүләт Думасы Рәисе 2026 елның дәүләткә уңыш һәм гражданнар гаиләләренә бәхет китерүен теләде, ә Рөстәм Миңнехановка сәламәтлек һәм уңышлар теләде.