Пермь краенда шәхси вертолет һәлакәтендә ике кеше һәлак булган

Пермь краенда «Ашатли-парк» ял базасы территориясендә шәхси вертолет һәлакәткә очраган – ике кеше һәлак булган. Бу хакта ТАСС хәбәр итә.

«Россия Гадәттән тыш хәлләр министрлыгы хезмәткәрләре Пермь краенда вертолет төшкән урында эшли. Барда районында «Ашатли-парк» ял базасы территориясендә шәхси вертолет һәлакәткә очраган. Кызганычка, вертолет һәлакәтендә ике кеше һәлак булган. Җирдә җимереклекләр юк», - дип хәбәр итәләр Россия Гадәттән тыш хәлләр министрлыгының төбәк буенча Баш идарәсендә.

Фаҗиганең сәбәбе турында хәбәр ителми.