Азнакай районында ир-ат 5 ел приставлардан качып йөргән, аны алкоголь урлаганда тотканнар
Азнакай районында яшәүче ир-ат биш ел буе хөкем карарын (аның буенча ул 40 мең сум күләмендә штраф түләргә тиеш булган) үтәмәгән һәм суд приставларыннан качып йөргән. 2020 елдан ир‑ат теркәлү урыны буенча яшәмәгән, шалтыратуларга җавап бирмәгән һәм дәүләт онлайн-сервисларыннан файдаланмаган.
Суд приставлары төрле ведомстволарга сораулар җибәргән, әмма анда рәсми керемнәр һәм яңа хокук бозу очраклары ачыкланмаган.
Ир-атны очраклы рәвештә тотканнар: аны Азнакай районы кибетләренең берсендә алкоголь продукциясе урлауда шикләнеп тоткарлаганнар. Тикшерү вакытында аның суд приставлары хезмәтендә эзләүдә булуын ачыкланган. Кирәкле документларны тапшыргач һәм эшнең ахыры нәрсә белән бетәчәген аңлатканнан соң, ир-ат бурычын тулысынча түләгән.