Татарстанда 2026 елда укучыларны бушлай тукландыруга 3 млрд сумга якын акча юнәлтеләчәк

2026 елда Татарстанда дәүләт һәм муниципаль мәктәпләрнең башлангыч сыйныф укучыларын бушлай кайнар ризык белән тәэмин итү программасын гамәлгә ашыру дәвам итәчәк. Бу хакта республиканың Финанс министрлыгы хәбәр итә.

Быел бу максатларга 2,93 млрд сум юнәлтү планлаштырыла. Финанслауның бер өлеше (1,58 млрд сум) федераль бюджеттан субсидияләр рәвешендә биреләчәк. Тагын 1,3 млрд сум Татарстан Республикасы бюджетыннан һәм җирле бюджетлардан бүлеп биреләчәк.

Татарстан Республикасы Финанс министрлыгында әйтүләренчә, Россия Мәгариф министрлыгы белән Татарстан Министрлар Кабинеты арасында республика бюджетына федераль субсидия бирү турында килешү төзелгән.